Wawa kasqaymantapacha cine, política ima iskay hatun munakuyniy karqan. Qallariypi presidente kayta munarqani, chayrayku derechota yacharqani leykunata, Estado imayna llamk'asqantapas allinta hamut'anaypaq. Kawsayqa huk ñanninta pusawarqan. Cinepi aswan atiyniyuq ñanta tarirqani runakunata kuyuchinapaq, uyarisqa kanankupaq hina willakuykunata willanapaq.

Yachay munayqa yaqa llapan Piruwta, Sudaméricap hatun partenta, pachap k'uchunkunatawan puriwachirqan. Chay puriykuna ñuqap kawsayniymanta ancha hukniray kawsaykunata qhawayta yachachiwarqan, huk kaqtataq cheqaqcharqan, cineqa runakunap kawsayninta t'ikrana llamk'ana.

Cinetam actuacióntawan yacharqani. Industriaman gestión ladomantapas yanapayta munarqani (producción, financiamiento, distribución), chayrayku ingeniería empresarialta yachakushani. Kay qhipa watakunapi achka ONGkunawan llamk'arqani, qunqasqa kaq willakuykunata willaspa.

Kutimuq cortometrajeta filmayta tukurqani, kunan festivalkunapi purishan. Ichaqa purisqayta unanchaq proyectoqa Ñut'upa musqoykunapa chawpinpi, kawsayniypa kimsa watan, Piruwpi minera warmikunaman kunkata qunaypaq, maqanakuyninkuta hatunchanaypaq.